Sofítanos

Sestaferia ye un Centru Social Autoxestionáu qu'abrió les sos puertes en ochobre de 2003. Dende esa fecha, foi el llugar nel que se desendolcaron estremaes actividaes.

Charres: Activistes de Colombia, Méxicu, Ucrania o Grecia pasaren pol centru social pa cuntanos de primera mán la so experiencia. Tamién tuvimos la visita de dellos collectivos, como les Nais contra a Impunidades, los vecinos del barriu de Coia o el movimientu de sofitu a Alfon, ente otros munchos.

Presentaciones de llibros: Autores comu Ramón Fernández Durán, Jtxo Estebaranz, Carlos Taibo, Francisco Álvarez, Miguel Amorós, Evaristo Páramos, Jean-Marc Rouillan, Joni D. o Amadeu Casellas son sólo dalgunos de los que presentaren los sos llibros en Sestaferia.

Cursos: Dende qu'entamamos a furrular el centru social ficimos cursos de llingua asturiana, d'español pa extranxeros, d'informática o de güertos urbanos.

Conceyos de dellos collectivos: Dende'l entamu pensose en Sestaferia como en un llugar necasariu pa que grupos de too tipu col nexo común del anticapitalismu pudieren aconceyase y la so actividá fuese asina daqué más cenciello. En centru social sirvió hasta agora pa los conceyos de collectivos antirrepresivos, de sofitu a les persones preses, de consumu responsable, ecoloxistes ya incluso de senderismu.

Folixas y cenadores solidarios: Actividaes estremaes (entamaes por Sestaferia o por otros collectivos) pa recaudar fondos pa delles lluches y pa sofitar los gastos derivaos de la represión escontra elles.

Pases de vídeos: Dende'l casu 4F en 'Ciutat Morta' a la represión franquista n'Asturies en 'PocaRopa', asina como dellos llargometraxes de ficción siempre con conteníu social.

Fiestes del Barriu'l Carmen: En 2006 recuperamos les fiestes del Barriu'l Carmen de Xixón, fiestes populares que nun se facían dende fai décades. L'actu central d'esta folixa ye una comida popular na que se promueve la participación de too'l vecindariu.

Sestaferia nun concurre a denguna convocatoria de subvenciones. Dende'l entamu apostamos pola autoxestión. Los nuesos ingresos vienen principalmente de les cuotes de los socios, de la actividá de la distri de llibros y música y del bar.

Ente toes y toos faemos Sestaferia dende Ochobre de 2003. Sofítanos (ingresu en cuenta o Paypal) pa poder garantizar la continuidá del proyeutu.

Cuenta (Liberbank): 

ES12 2048 0003 6234 0010 8708

Paypal (pincha nel botón):